Bizdi úıde kútedi: Aqmola oblysynyń oqýshylary júrgizýshilerge áserli hattar joldady
ASTANA. KAZINFORM — Jazǵy demalys aldynda Aqmola oblysynda 1000-nan astam oqýshy júrgizýshilerge jol qaýipsizdigi týraly eske saldy. Bul týraly Polisia.kz jazdy.
— Balalar «Jyldamdyqty asyrmańyz», «Bizdi úıde kútedi», «Jaıaý júrginshige abaı bolyńyz» degen úndeýler jazylǵan hattar men sýretter daıyndady. Hattardy oqýshylar polıtsııa qyzmetkerlerimen birge júrgizýshilerge tabystady, — delingen habarlamada.
Kópshilik balalardyń shynaıy sózderi erekshe áser etkenin aıtty. Bul hattar júrgizýshilerge jaýapkershilikti eske salyp, oılandyrary sózsiz.
Aıta keteıik, birinshi synypqa qujat qabyldaý merzimi bekitildi.
