Biz zań tazalyǵyna jaýap beremiz – Azamat Esqaraev
Ádilet mınıstri Azamat Esqaraev normatıvtik quqyqtyq akt jobalarynyń joǵary sapasyn jáne qoldaný praktıkasynyń mańyzy týraly aıtty, dep habarlaıdy Kazinform.
«Ádilet mınıstrligi — normashyǵarmashylyq qyzmettiń úılestirýshisi jáne normatıvtik quqyqtyq aktilerdiń „zań tazalyǵyna“ jaýap beredi. Sondyqtan biz úshin normatıvtik quqyqtyq akt jobalarynyń joǵary sapasy jáne quqyq qoldaný praktıkasy óte mańyzdy. Alaıda, tujyrymdamany qaıta qaraý qajet. Zańǵa engizilgen ózgerister boıynsha suraqtar bar. Olardyń júıesizdigi taldamalyq jáne boljamdy quramyn kúsheıtý qajettiligin kórsetedi», — dedi Azamat Esqaraev elordada ótip jatqan «Zań shyǵarý protsesin jetildirý» atty dóńgelek ústelde.
Mınıstrdiń aıtýynsha, ǵylymı normashyǵarmashylyq protseske saraptamalyq qoǵamdastyqty tartý kerek.
«NQA-da norma jazý ádisnamasynyń bolmaýy zań tiliniń halyq úshin kúrdeli ári túsiniksiz bolýyna ákeldi. Kúrdeli sóılemnen turatyn normatıvtik quqyqtyq akt erejeleri túsinispeýshilik týǵyzady. NQA-nyń memlekettik jáne orys tilderinde túpnusqalyǵyn qamtamasyz etý kerek», — dedi ol.
