Biz Ýkraına daǵdarysynyń beıbit sheshilýin qoldaımyz - Muhammed ben Salman
ASTANA.KAZINFORM - Ýkraına prezıdenti men Saýd Arabııasynyń taq murageri arasyndaǵy kelissózde áskerı qaqtyǵysty toqtatýǵa baǵyttalǵan qadamdar men sharttar talqylandy, dep habarlaıdy Kazinform agenttiginiń menshikti tilshisi.
Saýd Arabııasynyń taq murageri jáne premer-mınıstri Muhammed ben Salman ben Abdýlazız dúısenbi kúni óz eliniń Ýkraınadaǵy daǵdarysty sheshýge jáne beıbitshilik ornatýǵa baǵyttalǵan barlyq halyqaralyq kúsh-jigerin qoldaýǵa daıyn ekenin atap ótti.
Bul málimdeme Djıddada Ýkraına prezıdenti Vladımır Zelenskıımen kezdesý kezinde aıtyldy. Sondaı-aq ekijaqty qarym-qatynas jaıy talqylandy. Zelenskıı murager hanzada Muhammedpen kelissózder ekijaqty qarym-qatynasqa, sondaı-aq basqa seriktestermen yntymaqtastyqqa arnalǵanyn aıtty. Ol taq murageriniń shynaıy beıbitshilikke jol ashýǵa kúsh salýyn joǵary baǵalady.
- Saýd Arabııasy mańyzdy dıplomatııalyq platforma usynyp otyr jáne biz muny joǵary baǵalaımyz, - dep qosty ol.
Onyń aıtýynsha, taq muragerimen kelissózder áskerı qaqtyǵysty toqtatýǵa jáne turaqty beıbitshilikti qamtamasyz etýge kómektesetin qadam men sharttarǵa qatysty. Zelenskıı tutqyndardy bosatý men balalardy qaıtarýdyń mańyzdylyǵyn atap ótti, bul senimdi nyǵaıtý sharalary bolýy múmkin.
- Biz óz tarapymyzdan konstrýktıvti dıalogqa daıynbyz jáne qajetti sheshim men qadam týraly talqylap, kelisemiz dep úmittenemiz. Ústel ústinde naqty usynystar aıtyldy. Bastysy – tez ári tıimdi áreket etý, - dep jazdy Zelenskıı X áleýmettik jelisinde.
Buǵan deıin Saýd Arabııasynda Ýkraına-Amerıka kelissózderi ótip jatqany habarlanǵan bolatyn.