Biz túrik halqyna árdaıym qoldaý kórsetip, barynsha kómek berýge daıynbyz - Prezıdent

ASTANA. KAZINFORM — Qasym-Jomart Toqaev Rejep Taııp Erdoǵanǵa Ystanbul mańynda bolǵan jer silkinisine baılanysty qoldaý bildirdi

Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanǵa Mármar teńizi men Ystanbul shahary aýmaǵynda oryn alǵan jer silkinisine baılanysty alańdaýshylyq bildirip, qoldaý sózin joldady.

– San ǵasyrlyq dostyq pen baýyrlastyǵymyzǵa jáne elderimiz arasyndaǵy strategııalyq áriptestikke súıene otyryp, biz túrik halqyna árdaıym qoldaý kórsetip, barynsha kómek berýge daıyn ekenimizdi rastaımyz, – delingen Qazaqstan Prezıdentiniń jedelhatynda.

Aıta keteıik, buǵan deıin Túrkııada jer silkinisinen 200-den astam adam zardap shekkeni habarlandy.