Biz Sıngapýr sııaqty daryndylar men ınnovatsııa shoǵyrlanatyn senimdi ortalyqqa aınalýǵa umtylamyz - Toqaev

ASTANA. KAZINFORM - Memleket basshysy «Qazaqstan jáne orta derjavalardyń róli: qaýipsizdikti, turaqtylyq pen ornyqty damýdy ilgeriletý» atty taqyrypta dáris oqydy, dep habarlaıdy Aqordanyń baspasóz qyzmeti.

Memlekettik sapar aıasynda Qasym-Jomart Toqaev 46-shy Sıngapýr lektsııasyn oqydy. Prezıdent jahandyq qaýipsizdikti, turaqtylyq pen ornyqty damýdy qamtamasyz etý isindegi orta derjavalardyń atqaratyn róli týraly oı-pikirimen bólisti.

1980-jyldardan beri ıÝsof Ishak ınstıtýty (ISEAS) uıymdastyryp kele jatqan Sıngapýr lektsııalary – akademııalyq toptar, saıasatkerler, dıplomattar men jas ǵalymdar úshin memleketter basshylary men álemdik deńgeıdegi kórnekti saıasatkerlerdiń ustanymdaryn tikeleı tyńdaýǵa múmkindik beretin alań.

Qasym-Jomart Toqaev sharaǵa qatysýshylarǵa iltıpat bildire otyryp, óziniń ómir jolynda Sıngapýrdyń aıryqsha máni bar ekenin atap ótti.

– Men kóp jyl buryn osy elde jas dıplomat retinde qyzmet ettim. Osynaý asqaq rýhty memlekettiń tamasha tabys jolynan jańylmaı kele jatqanyn óz kózimmen kórý úshin Sıngapýrǵa taǵy da kelgenime qýanyshtymyn. Eldiń negizin qalaýshy Lı Kýan ıÝdiń kóregen kóshbasshylyǵymen júrgizilgen Sıngapýrdaǵy áıgili ekonomıkalyq ózgerister, shyn máninde, memlekettiń irgesin nyǵaıtýdyń jáne ekonomıkalyq ósimge qol jetkizýdiń jarqyn úlgisine aınaldy. Sizderdiń elińiz Qazaqstandy damý men órkendeý baǵytynda ózindik jol tańdaýǵa jigerlendiredi. Rasynda, Sıngapýrda ótkizgen jyldarymda tabandylyq pen jańashyldyqty úırendim. Bul qasıetter qazirgideı qubylmaly álemde Qazaqstannyń keleshegi týraly paıymymnyń qalyptasýyna áser etti, – dedi Prezıdent.

Memleket basshysy elimizdegi qoǵamdyq-saıası ózgerister jóninde aıta kelip, «Ádiletti Qazaqstan» jáne Premer-mınıstr Loýrens Vong usynǵan «Alǵa, Sıngapýr» baǵdarlamalarynyń maqsattary men qaǵıdattary uqsas ekenine nazar aýdardy.

– Qos qujat ta halyqtyń qamyn birinshi orynǵa qoıady jáne eldiń ıgiligin árbir azamat sezinýge tıis degen qaǵıdatty ustanady. Aýqymdy ulttyq transformatsııa – ońaı úderis emes. Biraq qansha qıyn bolsa da, biz bul strategııalyq baǵytymyzdan aınymaımyz. Byltyr ekonomıkalyq ósim 5,1 paıyzǵa artty. Biz JІÓ mólsherin 2029 jylǵa qaraı eki ese, ıaǵnı 450 mıllıard dollarǵa deıin jetkizýge nıettimiz. Osy asqaq maqsatqa jetý úshin biz bilim men ınnovatsııaǵa negizdelgen zamanaýı ekonomıkanyń irgesin qalap, jyl saıyn 6 paıyz ósimdi qamtamasyz etýge tıispiz. Biz Sıngapýr sııaqty bıznes, qarjy, daryndylar men ınnovatsııa shoǵyrlanatyn senimdi ortalyqqa aınalýǵa umtylamyz, – dedi Qazaqstan Prezıdenti.

Qasym-Jomart Toqaev Qazaqstanda ınvestıtsııalyq saıasat jáne ekonomıkany ártaraptandyrý baǵytynda júrgizilip jatqan jumystar jóninde aıtty.

Onyń pikirinshe, geografııalyq alshaqtyqqa, jer kólemi men tarıhyndaǵy aıyrmashylyqtarǵa qaramastan, Qazaqstan men Sıngapýrdyń kóptegen qundylyqtary ortaq ári uqsas syn-qaterlermen betpe-bet kelip otyr.

– Bıyl qańtar aıynda Germanııanyń halyqaralyq qatynastar jáne qaýipsizdik ınstıtýty alǵash ret Qazaqstandy álemniń orta derjavalarynyń sanatyna qosty. Sıngapýrlyqtar ózderin kishkentaı el sanaıtynyn jaqsy bilemin. Alaıda, meniń oıymsha, Sıngapýrdyń qarjylyq jáne ekonomıkalyq yqpaly, strategııalyq turǵydan asa mańyzdy halyqaralyq teńiz joldarynyń toǵysynda ornalasýy, 2024 jylǵy Global Firepower esebi boıynsha 145 eldiń ishinde 30-orynǵa taban tireýi bul memlekettiń orny áldeqaıda joǵary ekenin kórsetedi. Buǵan qosa, strategııalyq oı-sana men tıimdi dıplomatııa Sıngapýrdy Shyǵys pen Batys arasyndaǵy mańyzdy kópirge aınaldyrdy, – dedi Memleket basshysy.

Osyǵan deıin Memleket basshysynyń Sıngapýr Prezıdentiniń Istana saraıyna barǵanyn jazdyq.

Qasym-Jomart Toqaev Sıngapýr Respýblıkasynyń Prezıdenti Tarman Shanmýgaratnammen kelissóz júrgizdi.

Sondaı-aq Memleket basshysy jaqynda Sıngapýrdyń Premer-mınıstri laýazymyna taǵaıyndalǵan Loýrens Vongty quttyqtap, onyń jańa memlekettik qyzmetine tabys tiledi.

Budan soń QR Prezıdenti Sıngapýr Premer-mınıstriniń orynbasary – Ekonomıkalyq saıasat jónindegi úılestirýshi mınıstr Heng Sýı Keatty qabyldady.

Qasym-Jomart Toqaev Qazaqstan-Sıngapýr bıznes forýmynyń jabylý rásimine qatysyp, sóz sóıledi.

Bıznes-forým aıasynda ekijaqty birqatar qujatqa qol qoıyldy.