Biz ózgege qol ushyn beretin jandardy árdaıym qurmetteımiz - QR Prezıdenti volonterler týraly
Qazaqstan Prezıdenti Qasym-Jomart Toqaev qazaqstandyqtardy Halyqaralyq volonterler kúnimen quttyqtady, dep habarlaıdy Kazinform.
«Búgin – Halyqaralyq volonter kúni. Biz ózgege qol ushyn beretin jandardy árdaıym qurmetteımiz. Eriktiler meıirimdilik pen súıispenshiliktiń, tilektestik pen jaýapkershiliktiń ozyq úlgisin kórsetip keledi. «Adal azamat» tujyrymdamasynyń tiregi – osy myzǵymas qundylyqtar»,-dep jazdy Memleket basshysy óziniń Twitter-degi paraqshasynda.
Aıta keteıik, 5 jeltoqsan – Volonterler kúni. 1985 jyly BUU Bas Assambleıasy jyl saıyn 5 jeltoqsanda eriktiler kúnin atap ótýdi usynǵan bolatyn. Mysaly ıÝNISEF álem boıynsha uıymnyń balalar quqyǵyn qorǵaý mıssııasyn júzege asyrýǵa kómektesetin eriktiler qozǵalysy men bastamalaryn damytýdy qoldaıdy. 36 el jahandyq volonterlik bastamaǵa belsendi qatysady, onyń ishinde Qazaqstan da bar.
