09:03, 31 Mamyr 2024 | GMT +6
Biz ótken zamandaǵy qasiretti oqıǵalardan taǵylym alyp, ony ult jadynda saqtaı bilýimiz kerek - Prezıdent
ASTANA. KAZINFORM – Memleket basshysy 31 mamyr – Saıası qýǵyn-súrgin jáne asharshylyq qurbandaryn eske alý kúnine oraı H áleýmettik jelisindegi paraqshasynda arnaıy jazba jarııalady.
– Biz jyl saıyn 31 mamyr kúni ótken ǵasyrdaǵy saıası qýǵyn-súrgin jáne asharshylyq qurbandaryn eske alamyz.
Memleketimiz qýǵyn-súrginnen jazyqsyz japa shekken jandardy aqtaý, tól tarıhymyzdyń aqtańdaq betterin obektıvti ári tyńǵylyqty zerdeleý jumystaryna basa mán berip otyr.
Biz ótken zamandaǵy qasiretti oqıǵalardan taǵylym alyp, ony ult jadynda saqtaı bilýimiz kerek. Sonda ǵana kez kelgen synaqtan súrinbeı ótip, ádiletti memleket jáne órkenıetti qoǵam qurý jolyndaǵy bıik belesterdi baǵyndyra alamyz, – dep jazdy Prezıdent.
