Biz Ońtústik Koreıaǵa shıkizat pen materıal jetkizetin senimdi seriktes bola alamyz – Toqaev

ASTANA. KAZINFORM – Memleket basshysy Qasym-Jomart Toqaev Qazaqstan-Koreı bıznes forýmynda KIGAM, SK Ecoplant sııaqty kompanııalardyń jer qoınaýyn ıgerý salasyndaǵy jobasyn júzege asyrýǵa múddeli ekenin aıtty. 

«Sarapshylardyń baǵalaýynsha, 2040 jylǵa qaraı sırek metaldarǵa degen álemdik suranys 4 ese ósedi. Biz Ońtústik Koreıa úshin ekonomıkany ornyqty damytýǵa qajet shıkizat pen materıaldar jetkizý arqyly senimdi seriktes bola alamyz», - dedi Qasym-Jomart Toqaev.

Prezıdent ońtústikkoreıalyq kompanııalar Qazaqstan lıtıinen joǵary tehnologııalyq ónim jasaýǵa daıyn ekenin atap ótti.

«KIGAM, SK Esoplant sııaqty Qazaqstandaǵy lıtıı ken ornyn joǵary bólinis ónimin shyǵara otyryp ıgerýge qyzyǵýshylyq tanytyp otyrǵan ońtústikkoreıalyq seriktestermen áriptestikti jalǵastyrýǵa daıyn ekenimizdi bildiremiz», - dedi Memleket basshysy.