Biz dostarymyzdyń táýelsizdigin qurmetteımiz - Emmanıýel Makron
Frantsııa prezıdenti Emmanıýel Makron Memleket basshysy Qasym-Jomart Toqaevpen Aqordadaǵy kezdesýinen keıingi birlesken málimdemede memleketter arasyndaǵy qarym-qatynastyń frantsııalyq úlgisi týraly aıtty, dep habarlaıdy Kazinform agenttigi.
«Men sizderge túrli áreket ıeleriniń tarapynan túsýi múmkin qysymdy jetkilikti deńgeıde baǵalamaýdan aýlaqpyn. Frantsııa ózara dostyǵymyzdy joǵary baǵalaıdy. Biz qarym-qatynasymyzdy nyǵaıtý baǵytynda dostyq jolymen júrip kelemiz. Bul halyqqa qyzmet etý jolyndaǵy túrli eldermen baısaldy qarym-qatynasty qoldaıtyn jol bolmaq», - dedi Emmanıýel Makron.
Sondaı-aq, Frantsııa basshysy memleketter arasyndaǵy qarym-qatynastyń frantsııalyq úlgisi qandaı ekenine nazar aýdartty.
«Dostyǵymyzdyń keleshegi jarqyn bolatynyna senemiz. Kerek kezinde dostarymyzdyń jaǵynda bolyp, janynan tabylamyz. Olardyń táýelsizdigin qurmetteımiz. Ústemdik ornatqysy keletin nemese áreketin boljap bilýge bolmaıtyn derjavalar barda dál osyndaı fılosofııalyq ustanymy bar jaqsy dostardyń bolǵany mańyzdy», - dedi Frantsııa Prezıdenti.
Eske salaıyq, Frantsııa Prezıdenti Emmanıýel Makron resmı saparmen Qazaqstanǵa keldi.
Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy.
Qazaqstan men Frantsııa prezıdentteri shaǵyn quramda kelissóz júrgizdi.
Makron bul sapar ekijaqty seriktestik úshin mańyzdy jylmen tuspa-tus kelip otyrǵanyn aıtty.
Qazaqstan Prezıdenti óz sózinde Frantsııa – Qazaqstannyń Eýropadaǵy óte mańyzdy seriktesi ekenin atap ótti.
Sondaı-aq, Prezıdent kezdesý kezinde bilim jáne ǵylym salasyndaǵy jobalardy qolǵa alýǵa erekshe kóńil bólingenin jetkizdi.
Emmanıýel Makron qazaq mektepterine frantsýz tilin oqytý tájirıbesi qaıta oralǵany mańyzdy ekenin jetkizdi.
Memleket basshysy Qasym-Jomart Toqaev álemdegi túrli saıası shıelenister men ekonomıkalyq daǵdarystar eldi alańdatyp otyrǵanyna toqtaldy.
Memleket basshylarynyń kezdesýinen keıingi qos eldiń qarym-qatynasy qaı baǵytta damýy múmkin?
Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.
