Biz bárin basynan bastaımyz – Stanıslav Cherchesov

ALMATY. KAZINFORM – Fýtboldan Qazaqstan quramasynyń bas bapkeri Stanıslav Cherchesov Norvegııamen bolatyn match aldynda baspasóz máslıhatyn ótkizip, jýrnalıster saýalyna jaýap berdi. 

Reseılik maman Qazaqstan ulttyq quramasynyń aldynda naqty mindet bar ekenin jetkizdi.

«Bizdiń aldymyzda naqty mindet bar: erteń Norvegııa quramasymen ótetin birinshi oıynǵa daıyndalý. Men daıyndyq barysynda klýbtarmen jáne oıynshylarmen belsendi aralasyp, olardyń formasy men jattyǵý barysyn baqylap otyramyn. Kimniń jaqsy formada ekenin anyqtaý úshin 25 fýtbolshyny shaqyrdym, onyń ishinde oıyn deńgeıi qandaı joǵary ekenin biletin tájirıbeli oıynshylar da bar. Bul bizdiń birinshi basqosýymyz. Ókinishke qaraı, tanystyrý jıynyn ótkize almadyq, sondyqtan qolymyzda barmen jumys istep jatyrmyz. Maqsat – maksımaldy nátıjege jetý. Biz endi S lıgasynda emes, V lıgasyndamyz, al qaǵaz júzinde qarsylastar bizden myqtyraq, muny moıyndaýymyz kerek. Erteń birinshi ári mańyzdy oıyn. Biz bárin basynan bastaımyz jáne Ulttar lıgasy arqyly álem chempıonatynyń irikteý kezeńine daıyndalýǵa bar kúshimizdi salamyz», - dedi Cherchesov. 

Aıta keteıik, Qazaqstan men Norvegııa arasyndaǵy oıyn 6 qyrkúıekte Almatydaǵy «Ortalyq stadıonda» ÝEFA Ulttar lıgasynyń toptyq kezeńi aıasynda ótedi.