Biz ár medıtsınalyq qyzmetkerge jaǵdaı jasaýǵa umtylamyz – Álıhan Smaıylov

Astanada ótip jatqan alǵashqy medıtsınalyq-sanıtarııalyq kómek jónindegi halyqaralyq konferentsııaǵa Premer-Mınıstr Álıhan Smaıylov qatysyp, dárigerlerge memleket tarapynan kórsetilip jatqan jaǵdaı týraly málimet berdi, dep habarlaıdy Kazinform.

«Táýelsizdik alǵan kezden bastap saladaǵy ózgeristerdi baıqap otyrmyz. Biz halyq arasynda salaýatty ómir saltyn ustaýǵa mán berip kelemiz. Ár óńirde alǵashqy medıtsınalyq-sanıtarııalyq kómekti engizdik. Aýyldy jerdegi medıtsınalyq qyzmetti jańartý kórsetkishin 56%-ǵa jetkizdik. Byltyr shalǵaı aýdandarda arnaıy ortalyqtar qurdyq. Biz árbir medıtsınalyq qyzmetkerge jaǵdaı jasaýǵa umtylamyz», - dedi Úkimet basshysy.

Premer-Mınıstr jyl saıyn dárigerlerdiń aılyǵy 30%-ǵa deıin, medıtsınalyq personaldyń aılyǵy 25%-ǵa deıin ósip kele jatqanyn atap ótti.

«Biz ár azamat densaýlyǵy jóninde qajetti aqparat alý úshin elektrondy pasport engizdik. Kardıo jáne neırohırýrgııalyq ortalyq sııaqty jetekshi tehnologııalardy ıgerdik. Kelesi jyly protondy terapııaǵa negizdelgen jańa Ulttyq onkologııalyq ortalyq ashýdy josparlap otyrmyz. Biz qolda bar aqparatymyzdy, bilim men usynymdardy bólisýge daıynbyz», - dedi Álıhan Smaıylov.

Atalǵan konferentsııa barysynda DDU basshysy Gaza sektoryndaǵy jaǵdaıǵa alańdaıtynyn bildirdi.