Qazaqstan men Ulybrıtanııa ekonomıkasynda áli yntymaqtastyqqa negiz bolatyn zor áleýet bar

ASTANA. KAZINFORM – Ulybrıtanııa SІM basshysy Devıd Kemeron Ulybrıtanııa taý-ken kompanııalary Qazaqstanda jumys isteýge ázir ekenin aıtty.

«Ulybrıtanııa – Qazaqstandaǵy alǵashqy ınvestorlardyń biri. Bizde munaı-gaz salasynda úlken yntymaqtastyq bar. Biz Qazaqstan ekonomıkasynyń jetekshi ınvestorlarynyń birimiz. Búgin biz synı shıkizat týraly kelisimge qol qoıdyq, sondaı-aq Ulybrıtanııanyń taý-ken kompanııalaryn Qazaqstanda osy salada jumys isteýge shaqyramyz. Bul rette, bıznestiń barlyq salalarynda qolaıly jaǵdaılar qalyptastyrý úshin barlyq bıýrokratııalyq kedergilerdiń joıylatynyna kóz jetkizýimiz kerek», - dedi Devıd Kemeron.

QR Syrtqy ister mınıstri Murat Nurtileý óz kezeginde qazirgi tańda 600-ge jýyq brıtan bıznesi kapıtalynyń qatysýymen qurylǵan kásiporyndar elimizdiń damýyna óz úlesterin qosyp jatqanyn jetkizdi.

«Olardyń qatarynda «Shell», «RioTinto», «Ernst and Young», «AstraZeneca» jáne t.b. tanymal kompanııalar bar. Alaıda, ekonomıka salasyndaǵy bizdiń áleýetimiz áli de tolyq paıdalanylmaı keledi degen pikir de bar. Sondyqtan, ózara yqpaldastyqtyń qarqynyn arttyra túsken jón», - dedi M. Nurtileý.