Bıýroda Senattyń aldaǵy otyrysynyń kún tártibi belgilendi
ASTANA. 30 qazan. QazAqparat - Búgin Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty Bıýrosynyń otyrysy boldy.
Bıýroda Qarjy jáne bıýdjet komıtetine elimizdiń zańnamalyq aktilerine bıýdjet zańnamasyn jetildirý jáne salyq salý máseleleri boıynsha ózgerister men tolyqtyrýlar engizý týraly zań jobalary berildi. Sondaı-aq osy komıtet «Qazaqstan Respýblıkasynyń Ulttyq Qorynan 2014 - 2016 jyldarǵa arnalǵan kepildik berilgen transfert týraly», «Respýblıkalyq jáne oblystyq bıýdjetter, respýblıkalyq mańyzy bar qala, Astana bıýdjetteri arasyndaǵy 2014-2016 jyldarǵa arnalǵan jalpy sıpattaǵy transfertterdiń kólemi týraly» jáne «2014-2016 jyldarǵa arnalǵan respýblıkalyq bıýdjet týraly» zań jobalaryna bas komıtet bolyp belgilendi.
Depýtattar sondaı-aq palatanyń 31 qazanda bolatyn otyrysynyń kún tártibin de talqylady. Otyrysta birqatar halyqaralyq kelisimderdi ratıfıkatsııalaý týraly zań jobalaryn qaraý josparlanyp otyr. Atap aıtqanda, depýtattar Psıhıkasynyń buzylýynan zardap shegetin adamdardy májbúrlep emdeýden ótkizý úshin berý týraly konventsııany, Shymkent - Tashkent jolyn jańǵyrtý úshin Qazaqstan men Azııa Damý Banki arasyndaǵy qaryz týraly kelisimdi, Aıryqsha jaǵdaılarda Biryńǵaı kedendik tarıftiń stavkalarynan erekshelenetin kedendik ákelý bajdarynyń stavkalaryn qoldaný sharttary men tártibi týraly hattamaǵa ózgerister engizý týraly hattamany, Qazaqstan men Tájikstan úkimetteri arasyndaǵy óteýsiz áskerı-tehnıkalyq kómek kórsetý týraly kelisimdi qaraıtyn bolady.
