Bıýroda Senat otyrysynyń kún tártibi talqylandy
ASTANA. QazAqparat - Búgin, 3 jeltoqsanda Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senatynyń Bıýro otyrysy boldy.
Bıýroda Májilisten túsken zań jobalary bólinip berildi. Ekonomıkalyq saıasat, ınnovatsııalyq damý jáne kásipkerlik komıteti «2004 jylǵy 19 qańtardaǵy Qazaqstan Respýblıkasynyń Úkimeti men Belarýs Respýblıkasy Úkimetiniń arasyndaǵy Halyqaralyq avtomobıl qatynasy týraly kelisimge ózgerister engizý týraly hattamany ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine Halyqaralyq teńiz uıymynyń aýdıtinen ótý máseleleri boıynsha ózgerister men tolyqtyrýlar engizý týraly» zań jobalaryn odan ári pysyqtaý úshin bas komıtet bolyp belgilendi.
Halyqaralyq qatynastar, qorǵanys jáne qaýipsizdik komıteti «Táýelsiz Memleketter Dostastyǵy sheńberinde qupııa aqparatty qorǵaý týraly kelisimdi ratıfıkatsııalaý týraly» zań jobasy boıynsha bas komıtet bolyp belgilendi.
Bıýro otyrysynda Senattyń 2014 jylǵy 11 jeltoqsanda bolatyn otyrysynyń kún tártibi belgilendi.
Senatorlar otyrysta «Qazaqstan Respýblıkasy men Belarýs Respýblıkasy arasyndaǵy Qazaqstan Respýblıkasy azamattarynyń Belarýs Respýblıkasynyń aýmaǵynda jáne Belarýs Respýblıkasy azamattarynyń Qazaqstan Respýblıkasynyń aýmaǵynda bolý tártibi týraly kelisimdi ratıfıkatsııalaý týraly»; «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Irrıgatsııalyq jáne drenajdyq júıelerdi jetildirý jónindegi jobanyń ekinshi fazasy) ratıfıkatsııalaý týraly»; «Salyq isteri boıynsha ózara ákimshilik kómek týraly konventsııaǵa ózgerister engizý týraly hattamamen engizilgen túzetýleri bar Salyq isteri boıynsha ózara ákimshilik kómek týraly konventsııany ratıfıkatsııalaý týraly»; «Energııa únemdeý jáne energııa tıimdiligin arttyrý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» (birinshi oqylym); «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» (ekinshi oqylym) zań jobalaryn qaraýdy josparlady.
