Bıýro Senat otyrysynyń kún tártibin bekitti

Joǵarǵy Palatanyń 19 maýsymda bolatyn kezekti otyrysynyń kún tártibi boıynsha usynystar talqylandy. Senatorlardyń qaraýyna birqatar halyqaralyq qujattardy ratıfıkatsııalaý usynylady. Atap aıtqanda, olar 2010 jylǵy 9 jeltoqsandaǵy Qazaqstan men Reseı arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly úkimetaralyq kelisimge ózgerister engizý týraly hattamany, Esirtki, psıhotroptyq zattar men olardyń prekýrsorlaryn Keden odaǵynyń keden aýmaǵy arqyly ótkizý tártibi týraly kelisimdi, Halyqaralyq Qaıta Qurý jáne Damý Bankimen Qaryz týraly kelisimdi (Sot tóreligi sektoryn ınstıtýtsıonaldyq nyǵaıtý jobasy), Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly ekijaqty úkimetaralyq kelisimge ózgerister men tolyqtyrýlar engizý týraly Qazaqstan men Sıngapýr arasyndaǵy hattamany ratıfıkatsııalaý týraly zań jobalary. «Qylmystyq áreketten túsken tabystardy jylystatý, anyqtaý, alyp qoıý jáne tárkileý týraly konventsııany ratıfıkatsııalaý týraly» zańǵa túzetýlerdi de qaraý josparlanyp otyr.

Depýtattardyń qaraýyna sondaı-aq «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar tulǵalarǵa olardyń múlikti jarııa etýine baılanysty raqymshylyq jasaý týraly», zańnamaǵa ózgerister men tolyqtyrýlar engizý týraly osy qujatqa ilespe zań jobasy (birinshi oqylym) jáne birqatar zańnamalyq aktilerge memlekettik basqarý máseleleri boıynsha túzetýler jobasy (birinshi oqylym) da usynylady.

Bas komıtetterdiń tóraǵalary Senat otyrysyna zań jobalarynyń ázirligi týraly baıandady.

Bıýroda odan basqa Májiliste maquldaǵan zań jobalary bólinip berildi. Ekonomıkalyq saıasat, ınnovatsııalyq damý jáne kásipkerlik komıteti «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń poshta týraly zańnamasynyń normalaryn Dúnıejúzilik poshta odaǵy aktileriniń normalarymen birizdendirý máseleleri boıynsha ózgerister men tolyqtyrýlar engizý týraly», Investıtsııalardy kótermeleý jáne ózara qorǵaý týraly Qazaqstan men Estonııa arasyndaǵy úkimetaralyq kelisimdi ratıfıkatsııalaý týraly, Qazaqstan Respýblıkasynyń aýmaǵy arqyly Qytaıǵa reseılik munaıdy tasymaldaý salasyndaǵy yntymaqtastyq týraly Qazaqstan men Reseı arasyndaǵy úkimetaralyq kelisimdi ratıfıkatsııalaý týraly zańdardyń jobalary boıynsha bas komıtet bolyp belgilendi.

Halyqaralyq qatynastar, qorǵanys jáne qaýipsizdik komıteti Aýǵanstandy turaqtandyrý men qalpyna keltirý jónindegi is-qımyldarǵa Italııa Qarýly Kúshteriniń qatysýyna baılanysty Qazaqstannyń aýmaǵy arqyly áskerı múlik pen personaldyń tranzıtin qamtamasyz etý týraly Qazaqstan men Italııa arasyndaǵy úkimetaralyq kelisimdi ratıfıkatsııalaý týraly, Kaspıı teńizindegi qaýipsizdik salasyndaǵy yntymaqtastyq týraly kelisimdi ratıfıkatsııalaý týraly jáne Shekara ókilderiniń qyzmeti týraly Qazaqstan men Ózbekstan arasyndaǵy úkimetaralyq kelisimdi ratıfıkatsııalaý týraly zań jobalary boıynsha bas komıtet bolyp belgilendi.

Qarjy jáne bıýdjet komıteti «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar tulǵalarǵa olardyń múlikti jarııa etýine baılanysty raqymshylyq jasaý týraly» zań jobasy, sondaı-aq «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar tulǵalarǵa olardyń múlikti jarııa etýine baılanysty raqymshylyq jasaý máseleleri boıynsha ózgeris pen tolyqtyrýlar engizý týraly» ilespe zań jobasy boıynsha bas komıtet bolyp belgilendi.