Bıýlletenderdi daýys berýshilerdiń úılerine aparyp taratý múmkin emes — Nurlan Ábdirov

ASTANA. KAZINFORM — Bıýlletenderdi daýys berýshilerdiń úılerine aparyp taratý múmkin emes. Bul týraly Ortalyq referendým komıssııasynyń otyrysynda komıssııa tóraǵasy Nurlan Ábdirov aıtty. 

— Bıýlletenderdi daýys berýshilerdiń úılerine aparyp taratyp jatyr, degen áńgime shyqty. Dıpfeıkke qarsy ortalyqtyń jedel qoldanǵan sharalarynyń arqasynda buǵan tıisti baǵa berildi. Sonymen qatar aıtarym, ondaı múmkin emes. Sebebi, tıpografııadan shyqqan árbir bıýlleten sanaýly. Olar Іshki ister mınıstrligi qyzmetkerleriniń kúzetýimen óńirdegi komıssııalarǵa jetkiziledi. Sodan keıin 3 nemese 1 kún qalǵanda ýchaskelerge tikeleı aparylyp, sol jerdiń kúzetine tapsyrylady, — dedi Nurlan Ábdirov.

Aıta keteıik, referendým kúni qoǵamdyq pikirge saýal salý daýys berýge arnalǵan úı-jaıda nemese pýnktte ótkizilmeıdi.