Bıýlleten sýretin jelige jarııalaǵan 7 azamatqa aıyppul salyndy
ASTANA. KAZINFORM — Bul týraly jalpyulttyq onlaın-marafon aıasynda Ortalyq kommýnıkatsııalar qyzmetiniń brıfınginde Bas prokýratýranyń bas prokýror apparatynyń BAQ monıtorıngi jáne jurtshylyqpen baılanys basqarmasynyń bastyǵy Erlan Janpeıisov aıtty.
Onyń sózinshe, daýys berý protsesi tynysh jaǵdaıda ótti. Saılaý komıssııalary tarapynan eshqandaı quqyqbuzýshylyqtar belgilenbedi.
— Daýys berý aıaqtalǵanǵa deıin búgin Astana, Almaty, Shymkent, Oral jáne Qostanaı qalalarynda prokýrorlar qysqartylǵan tártippen 7 azamatty aıyppulǵa tartty. Olardyń barlyǵy toltyrylǵan bıýlleten sýretterin taratýǵa baılanysty boldy, — dedi ol.
Osydan buryn habarlanǵandaı, 20:00-degi jaǵdaı boıynsha Quryltaı depýtattaryn saılaýynda daýys berýshiler tizimine engizilgen 9 mln 350 myńnan astam saılaýshy daýys berdi.
