Bıýdjettiń jalpy shyǵystaryn azaıtýdan únemdelgen qarjy birqatar jobalarǵa salynady - EBJM
ASTANA. 31 qazan. QazAqparat - 2013-2015 jyldarǵa arnalǵan respýblıkalyq bıýdjet týraly zań jobasy aıasynda respýblıkalyq bıýdjettiń jalpy shyǵystaryn azaıtý 165,8 mlrd. teńgeni quraıtyn bolady. Bul týraly búgin Úkimet otyrysynda Ekonomıka jáne bıýdjetti josparlaý mınıstri Erbolat Dosaev aıtty.
«Jalpy shyǵystardy azaıtý 165,8 mlrd. teńgeni quraıtyn bolady, onyń ishinde, memlekettiń mindettemelerin oryndaýǵa baılanysty qalyptasqan únemdeý esebinen 29 mlrd. teńge, memlekettik satyp alý nátıjesinde qalyptasqan únemdeýden 19 mlrd. teńge jáne kútiletin tolyq ıgerilmeý 117,8 mlrd. teńge», - dedi E. Dosaev.
Onyń aıtýynsha, osy qarajattyń bir bóligi, naqtyraq aıtsaq, jalpy somasy 100,0 mlrd. teńge qarajat mynadaı jobalarǵa jumsalatyn bolady:
- «Jezqazǵan-Beıneý» temirjol jelisiniń qurylysyna 30,0 mlrd. teńge,;
- «Báıterek» UBH» AQ-ń jarǵylyq kapıtalyn ulǵaıtýǵa 30,0 mlrd. teńge;
- EKSPO-2017-ni ótkizýge daıyndyqqa 20,0 mlrd. teńge;
- «Qol jetimdi baspana-2020» baǵdarlamasy aıasynda Astana qalasynyń ókiletti mekemesiniń «Samuryq-Qazyna» UÁQ-ń aldyndaǵy mindetterin oryndaý úshin Astana qalasynyń apatty jaǵdaıdaǵy turǵyn úılerin buzý jobasyn iske asyrýǵa berilgen nesıelerdi qaıtarýǵa 20,0 mlrd. teńge jumsalatyn bolady.
