Bıýdjettiń oryndalý nátıjesine ekpin qoıý kerek - Esep komıteti
«Bıýdjettiń shyǵys bóliginiń tıimdiligin arttyrý qatysty toqtalsaq, bul turǵyda shyǵystardy ákimshelendirý baǵytyn jaqsartý qajettigi aıqyn kórinip tur. Ókinishke qaraı, 2018 jyldyń esebi boıynsha ákimshilerdiń baıandamalaryn tyńdaý kezinde bıýdjettiń oryndalýyn baǵalaý ony ıgerý arqyly jáne kredıtorlyq ári debıtorlyq qaryzdyń tómendetilýi boıynsha iske asatynyn estip júrmiz. Degenmen de bul da mańyzdy», - dep toqtaldy N. Godýnova.
Onyń sózine qaraǵanda, bul máselede bıýdjettik shyǵystardyń tıimdiligi basty maqsat retinde qarastyrylýy tıis.
«Bıýdjettiń oryndalýyn baǵalaýda onyń ıgerilýi jónindegi kategorııalarynan bas tartý kerek, ıaǵnı ony nátıjege qol jetkizýmen almastyrǵan jón. Osy oraıda Ulttyq ekonomıka mınıstrligi bul máselede úlestirýshi rólin alýy kerek jáne ákimshilermen birlese memlekettik shyǵystardan naqty nátıjeni baǵalaýǵa múmkindik beretin qujatty ázirleýdi qamtamasyz etýi qajet», - dedi Natalıa Godýnova.
