Bıýdjettiń kiris bóligi 1,1 trln teńgege ulǵaıatyn boldy
«Áleýmettik-ekonomıkalyq damý boljamyn qaıta qaraý aıasynda kedendik, salyqtyq ákimshilendirýdi jaqsartý boıynsha qabyldanyp jatqan sharalardy eskersek, bıyl kirister 9,2 trln teńgeden 10,2 trln teńgege deıin ósedi», - dedi Tatıana Saveleva Parlamentte jańa zań jobasyn tanystyrý barysynda.
Onyń málimeti boıynsha, bıyl benzın men dızeldiń aktsızin kóterýdi kózdeıtin túzetýler engizilgen.
«Bul shara aıasynda Pavlodar, Atyraý oblystary men Shymkent qalasynan 161,8 mlrd teńge túsedi. Osylaısha bıýdjettiń túsimderi 1,1 trln teńgege artady. Al shyǵys bóligin oryndaý úshin qosymsha 2,7 trln teńge qajet bolady. Osyǵan baılanysty Prezıdenttiń maquldaýy boıynsha Ulttyq qordan 1,6 trln teńge kepildendirilgen transfert tartý usynylyp otyr. Jalpy bıyl Ulttyq qordan bıýdjetke alynatyn kepildendirilgen transfert kólemi 4 trln teńge dep belgilengen. Jyl aıaǵyna qaraı Ulttyq qordyń túsimderi men shyǵystary jaǵymdy teńgerimge keledi», - deıdi mınıstr.
Aıta keteıik, buǵan deıin QR Ulttyq ekonomıka mınıstri Álibek Qýantyrov jýrnalısterge Ulttyq qordan kepildendirilgen transfertti naqtylaý ne úshin qajet bolǵanyn túsindirgen bolatyn.
