Bıýdjettiń árbir teńgesi tıimdi jumsalýy qajet - Pavlodar oblysynyń ákimi
VI shaqyrylymdaǵy Pavlodar oblystyq máslıhatynyń kezekti sessııasynda sóılegen óńir basshysy Bolat Baqaýov osy derekterdi atap ótti.
Sondaı-aq ol bıýdjettik baǵdarlamalardyń ákimshilerine bıýdjet qarajatyn paıdalaný kezinde tıimdilik pen basymdylyq prıntsıpterin ustanýdy tapsyrdy.
- Bıliktiń atqarýshy organdary men depýtattyq korpýs júrgizilgen jumystardyń sapasyn jáne bıýdjet qarajatynyń tıimdi jumsalýyn qatań baqylaýǵa alýy tıis, - dep atap ótti aımaq basshysy. - Bıýdjettik qarajattyń árbir teńgesi nátıje berýi qajet. Biz qarjynyń maqsatsyz jumsalýyn boldyrmaý úshin barlyq sharany qabyldaýymyz kerek. Búgingi tańda daǵdarysqa qarsy baǵdarlama boıynsha qomaqty qarajat bólinip jatyr. «Nurly jol» baǵdarlamasynyń jobalaryn júzege asyrý úshin bıyl 5,2 mlrd. teńge, «Jumyspen qamtýdyń jol kartasy» baǵdarlamasyna - 4,5 mlrd. teńge, «Bıznestiń jol kartasy-2020» baǵdarlamasyna - 4 mlrd. teńge qarastyryldy. Osyǵan baılanysty bıýdjettik baǵdarlamalardyń ákimshileri tıimdilik pen basymdylyq qaǵıdattaryn ustanýǵa mindetti, al revızııalyq komıssııa bolsa, materıaldardy qarap, ondaǵy kemshilikterdi tolyqtaı joıýǵa qol jetkizýi qajet, - dep tapsyrdy oblys ákimi Bolat Baqaýov.
Sonymen birge, aımaq basshysy «100 naqty qadam» Ult josparynyń sheńberindegi 5 ınstıtýtsıonaldy reformalardy júzege asyrýǵa basa nazar aýdardy.
- Bizdiń birlesken qyzmetimizde azamattardy áleýmettik turǵydan qamtamasyz etý, ınfraqurylymdyq jobalardy júzege asyrý, aımaqqa ınvestıtsııalar tartý, jańa óndiris oshaqtaryn ashý, memlekettik-jeke menshik áriptestik mehanızmderin júzege asyrý máselelerine basymdyq beriledi.
