Bıýdjettiń 55 mlrd teńgesin ıgerýde buzýshylyqtarǵa jol berilgen – Úkimet otyrysy

ASTANA. QazAqparat – Bıylǵy qańtar-mamyr aılarynda bıýdjettiń 383 mlrd teńgesine aýdıt júrgizildi jáne 55 mlrd teńgege buzýshylyqtar anyqtaldy. Bul týraly QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Bıylǵy 5 aıda kameralyq baqylaýmen 6,2 trln teńgege 209 myńnan asa memlekettik satyp alý rásimderi qamtyldy. Tekserý qorytyndylary boıynsha 31 550 rásimnen buzýshylyqtar anyqtaldy, onyń ishinde memlekettik aýdıt obektileri buzýshylyqtardy joıý týraly habarlamalardyń 91% oryndady», - dedi Erulan Jamaýbaev búgin Úkimet otyrysynda.

Mınıstrdiń aıtýynsha, 902 aýdıtorlyq is-shara ótkizildi jáne bıýdjet qarajatynyń shamamen 383 mlrd teńgesi aýdıtpen qamtyldy.

«Shamamen 55 mlrd teńge somasynda qarjylyq buzýshylyqtar anyqtaldy. Taýarlardy jetkizý, qyzmetterdi kórsetý men jumystardy oryndaý, bıýdjetke óteý jáne esepke alý boıynsha kórsetý jolymen 43 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 936 usynym berildi», - dedi Qarjy mınıstri.