Bıýdjettiń 322 mln. teńgesin qoldy etip, Reseı asqan 2 azamat elge qaıtaryldy
ASTANA. QazAqparatm - Elimizdiń bıýdjetinen qarjy jymqyryp, Reseı asqan eki azamat elge qaıtaryldy. Bul týraly QR Qarjy mınıstrligi Memlekettik kirister komıtetiniń baspasóz qyzmeti habarlady.
«Qazaqstan Respýblıkasy Qarjy mınıstrliginiń Memlekettik kirister komıteti 2018 jyldyń naýryz aıynda Reseı federatsııasynan Qazaqstan Respýblıkasyna, Komıttiń ekonomıkalyq tergeý qyzmetimen izdeýde júrgen 2 Qazaqstan azamatyn elge qaıtardy. Olar Batys Qazaqstan oblysy boıynsha azyq-túlik turaqtandyrý qoryn aımaqtyq qalyptastyrý jáne Atyraý qalasynyń oń jaǵalaýyndaǵy sý tazartý qurylystaryn salý baǵdarlamalary sheńberinde bólingen bıýdjet qarajattaryn jymqyryp, keıin Reseı aýmaǵynda jasyrynǵan»,-delingen habarlamada.
2017 jyly Reseıdiń quqyq qorǵaý organdarynyń qyzmetkerlerimen birlesken jedel-izdestirý is-sharalar nátıjesinde qylmyskerler ustalyp, qamaýǵa alyndy.
«Bul adamdardyń áreketteriniń saldarynan memleketke keltirilgen zııan shamamen 322 mln. teńgeni qurady»,-delingen komıtet taratqan aqparattarda.
Foto: krasnodar-sochi.ru
