Bıýdjettiń 100 mln teńgesin jymqyrǵandar sottaldy
«Elorda prokýrorlary jymqyrý faktisi boıynsha isti sotqa jetkizdi. Elektr jáne jylý energııasynyń tarıfterin belgileýge qatysty ótken jyldyń tekseris qorytyndysy shyqty. Ol boıynsha «Astana - Energııa» Aq basqarma tóraǵasynyń orynbasary O.V.Ýtkın men «Tesla» JShS dırektory I.A.Veselyıǵa qatysty bótenniń múlkin iri kólemde jymqyrý faktisimen sotqa deıingi tergeý aıaqtaldy», - dep habarlaıdy prokýratýradan.
2015 jyldyń naýryz aıynda «Astana-Energo» AQ jalpy somasy 375 mln teńgege «Fırma Aknazar» JShS-men kelisim jasaǵan. Kelisim JEO-1,2 jylýynyń kommertsııalyq esebine avtomattandyrylǵan júıeni ornatý boıynsha jasalǵan.
Kelisimdegi sharttardy oryndaý úshin JShS basqa bir qosalqy merdiger «Tesla» JShS-ny tartqan. Ol kompanııanyń basshysy I.A.Veselyı bolyp, jaýapty mindet soǵan artylǵan.
Qurylys-ekonomıkalyq saraptama boıynsha sottaǵy qorytyndyǵa sáıkes, oryndalǵan jumystyń kólemi men baǵasy jobalyq-smetalyq qujattamada bekitilgen qujattaǵy kólem men baǵaǵa sáıkes kelmegen. Aqyry, oryndalmaǵan qyzmet pen jetkizilmegen qurylǵynyń baǵasy 103 mln teńgeni quraǵan.
Іsti tergeý barysynda O.V.Ýtkın men I.A.Veselyı ózderine taǵylǵan aıyppen tolyq kelisip, kináni moıyndaý týraly prokýrormen protsessýaldyq kelisimge kelgen. Memleketke kelitirilgen shyǵyn tolyǵymen qalpyna keltirildi.
Sonymen birge, jobanyń júzege asýyn baqylamaı, bıýdjet qarajatynyń jymqyrylýy qylmysynda kómek kórsetkeni úshin JEO-1 jáne JEO-2-niń birqatar laýazymdy basshylary men dırektorlary qylmystyq jaýapkershilikke tartyldy.
Nur-Sultan qalasynyń Baıqońyr aýdandyq №2 sotynyń úkimimen O.V.Ýtkın 4 jylǵa sottalyp, I.A.Veselyı 3,5 jylǵa shartty túrde bas bostandyǵynan aıyryldy.
Sot úkimi kúshine endi.