Bıýdjettik emes kásiporyndar jumysshylaryna 1 mlrd 400 mln teńge qaryz

NUR-SULTAN. QazAqparat - Bıýdjettik emes kásiporynda jumys isteıtin jumysshylar 1 mlrd 400 mln teńge jalaqysyn ala almaı júr. Bul týraly búgin QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

«Járdemaqy, zeınetaqy tóleýden, bıýdjettik mekemelerde jumys isteıtinderge jalaqy tóleýden esh másele joq. Al endi bıýdjettik emes kásiporyndarda jumys isteıtinderde qazirgi tańda 1 mlrd 400 mln teńgeniń qaryz bar. Onyń 980 mln teńgesi - bonkrottyq rásimde turǵan kásiporyndarda. Biz qazir olarmen jergilikti bılik ókilderi arqyly birlesip jumys jasap jatyrmyz», - dedi mınıstr Ortalyq kommýnıkatsııalar qyzmetindegi brıfıngte.

Onyń dereginshe, búgingi kúni Eńbek jáne halyqty áleýmettik qorǵaý mınıstrligi 39 túrli áleýmettik kómek kórsetedi. Mindetti áleýmettik saqtandyrý qory arqyly da 5 áleýmettik qyzmet kórsetý osy mınıstrlikke júktelgen. Ótken jyly ǵana atalǵan qor tólegen qarajat kólemi 2 trln 800 mln teńgeni qurady. Bıyl 3 trln 300 mlrd teńgeni quramaq.

«Byltyr bazalyq zeınetaqy 80 paıyzǵa ósti. ıAǵnı, qazaqstandyqtardyń ótinishi boıynsha eńbek ótilderi eseptelinetin boldy. Soǵan sáıkes ortasha jalaqy 81 myń teńgeni qurady. 5 aıdyń qorytyndysynda ol 85 785 teńge boldy. Kelesi jyldan bastap engiziletin jańalyqtardyń biri - ol zeınetaqy qoryna jumys berýshilerdiń tólemderin kóbeıtý. Buryn jumysshy 10 paıyz tóleıtin bolsa, oǵan qosymsha jumys berýshiler endi 5 paıyz tóleıtin bolady. Sóıtip, zeınetaqy jarnasy 15 paıyzǵa jetedi», - dedi Berdibek Saparbaev.