Bıýdjettik defıtsıt 770 mlrd. teńgeden aspaıdy dep josparlanýda - Qarjy mınıstrligi
ASTANA. 26 jeltoqsan. QazAqparat - Respýblıkalyq bıýdjetke túsken qarajat kólemi 5 trln. 117 mlrd. teńgeni qurady. Bul týraly búgin Ortalyq kommýnıkatsııalar qyzmetinde ótken brıfıngte QR Qarjy vıtse-mınıstri Rýslan Dálenov málim etti.
"Respýblıkalyq bıýdjetke túsken qarajat kólemi 5 trln. 117 mlrd. teńgeni qurady. Jospardy 100 paıyzǵa jetkizý úshin 36 mlrd. teńge jınaý qaldy. 26 jeltoqsandaǵy aqparat boıynsha, jalpy shyǵyn 6 trln. 208 mlrd. teńge bolyp otyr. Jyl sońyna deıin 151, 4 mlrd. teńge ıgerý kózdelýde. Áli de bolsa, jyldyń támamdalýyna 5 qazynashylyq kún bar. Árıne osy aralyqta paıda kólemi artady, al ıgerilgen shyǵyndar ulǵaıady", - dep atap ótti ol jyldyń aldyn ala qorytyndylaryn jarııalaý barysynda.
R. Dálenovtiń habarlaýynsha, bıýdjettik defıtsıt 770 mlrd. teńgeden aspaıdy dep josparlanýda. Bul kórsetkish IJÓ-niń 2,2 paıyzyna teń bolmaq. Sonymen qatar brıfıngte Ulttyq qordyń tabysy jaıynda aqparattar jarııalandy.
"Jyl basynan 26 jeltoqsan aralyǵynda Ulttyq qorǵa salyq esebinen 3 trln. 343 mlrd. teńge aýdaryldy. Al Ulttyq qordan bólingen qarajat kólemi 1 trln. 401 mlrd. teńgeni qurady. Ulttyq qordyń salyqtan túsken taza kirisi shamamen 2 trln. teńgege jetip qaldy", - deıdi ol.
