Bıýdjetten Nazarbaev ýnıversıtetine bólinetin qarjy kólemi aıtyldy

ASTANA. KAZINFORM — Ǵylym jáne joǵary bilim mınıstri Saıasat Nurbek Nazarbaev ýnıversıtetin bıýdjetten qarjylandyrýǵa qatysty túsinik berdi.

— Nazarbaev ýnıversıtetiniń 3 jyldyq bıýdjeti shamamen 42-43 mlrd teńge. Ýnıversıtet biliminiń sapasy joǵary, halyqaralyq standarttarǵa saı, naryqta dáleldendi. Bul somany bir deńgeıde ustap turamyz, ulǵaıtpaımyz, — dep jaýap berdi Saıasat Nurbek Májilis qabyrǵasynda BAQ ókilderiniń saýalyna jaýap bere turyp.

Sondaı-aq mınıstr atalǵan ýnıversıtettiń qyzmetine aýdıtorlyq esep júrgizýge qatysty túsinik berdi. 

— Joǵary aýdıtorlyq palata usynymynyń 60-70 paıyzy oryndaldy. Mysaly, taǵaıyndaý saıasaty tolyǵymen qaıta qaraldy. Satyp alý protsedýrasy jaqynda bekitildi. Buǵan deıin 93 paıyz bir kózden satyp alý bolsa, qazir konkýrstyq negizde, — dep tolyqtyrdy vedomstvo basshysy.

Eske salaıyq, 2026 jyldan bastap Nazarbaev ýnıversıtetin qarjylandyrý mehanızmi ózgeredi. 

Aıta ketsek, 2024 jyldyń sońynda Nazarbaev ýnıversıtetinde 73 mlrd teńgeniń tıimsiz ıgerilgeni anyqtaldy.