Bıýdjetke kúsh túsken soń Aqtóbedegi zırattardyń barlyǵy senimgerlik basqarýǵa berildi - Naǵymjan Alııarov
AQTÓBE. QazAqparat - Aqtóbe qalasyndaǵy zırattardyń barlyǵyna jer aktisi men qujat daıyndalyp, senimgerlikke berildi.
Qazirgi ýaqytta jeke kompanııa jerleý rásiminiń qunyn jarııalap, turǵyndar bul sheshimge qarsy shyǵyp jatyr, dep habarlaıdy QazAqparat tilshisi.
Aqtóbe qalasyndaǵy zırattardyń barlyǵyna bir mekeme jaýapty. Qalalyq ákimdik zırattardyń jer aktisin jasap, jerleý rásimin ótkizýge senimkerlik kelisim berdi. Buǵan deıin habarlaǵanymyzdaı, aqyly qyzmetke turǵyndar qarsy shyǵyp, aýyl mańyndaǵy zırattysaqtap qalýǵa bekind i. Búgin Aqtóbe qalasyndaǵy Qýraıly aýylynyń turǵyndarymen qala ákiminiń orynbasary Naǵymjan Aldııarov kezdesti. Ol zırattardy kútý, kúzetý úshin qosymsha qarjy qajet ekenin, bıýdjet shyǵynyn azaıtý úshin senimgerlik kelisim jasalǵanyn jetkizdi.
«Ótken jyldan bastap qalalyq zırattardy tártipke keltirý jumysy júrdi. Zırattardyń qujattary daıyndalyp, senimgerlik basqarýǵa berildi. Jer aktisi, tehnıkalyq pasport jasaldy. Buǵan deıin qaladaǵy 50 zırattyń kútimi úshin bıýdjetten qarjy jumsalýy kerek boldy. Sol sebepti memlekettik satyp alý júrgizilip, senimgerlikke berilip otyr. Senimgerlik basqarýshy kompanııa zırattardy qorshaıdy, sanıtarlyq tazalyǵyn qamtamasyz etedi, elektrondy baza júrgizedi. Halyqtan aryz-shaǵym tústi. Túsindirý júrip jatyr. Buǵan deıin bir beıitti ustap turý úshin 20-25 mıllıon teńge qarjy ketti. Senimgerlikke berilgen soń bıýdjet qarjysy bólingen joq»,- dedi Aqtóbe qalasy ákiminiń orynbasary Naǵymjan Aldııarov.
Zırattarǵa qyzmet kórsetetin mekeme jer qazý, beıit turǵyzý jumystaryna arnalǵan baǵany bekitip qoıǵan bolatyn. Biraq aldaǵy ýaqytta baǵa qaıta qaralady.
«Jer qazýshylarǵa aqysyn tóleý buǵan deıin de boldy. Árkim óz baǵasyn qoıyp júrdi. Endi bárine bir baǵa qoıyldy. Negizinen jer tegin beriledi. 10 myń teńge tazalyq jasaý, elektrondy bazaǵa engizý, kúzetshisine beriledi. Kez kelgen adamnyń óz tańdaýy bar. Kompanııanyń qyzmetin paıdalanbaýǵa da bolady»,- dedi Naǵymjan Aldııarov.
Aıta keteıik, buǵan deıin Aqtóbe qalasyndaǵy 1 beıitke qalalyq ákimdik qarjy bólip, kútip jasaǵan. Ózgelerine qujat sońǵy jyldary daıyndaldy. Beıittiń kóbi qaraýsyz qalyp, keıbirin jergilikti turǵyndar óz mindetine alǵan.
«Baǵaǵa qarsy shyǵyp otyrmyn. Bul meniń azamattyń pikirim. 15 myń teńge aýyl turǵyndary úshin úlken qarjy. Aldaǵy ýaqytta senimgerlik basqarýshy kompanııaǵa baǵany ózgertý týraly usynys beremiz. Arnaıy komıssııa quryp, baǵany qaıta qaraımyz. Komıssııa tóraǵasy Qýraıly selolyq okrýginiń ákimi Maqpal Turmaǵambetova bolady. Komıssııa quramynda jergilikti turǵyndar da bolady»,- dedi Aqtóbe qalalyq máslıhatynyń hatshysy Sulýshash Shyntasova.
