«Bıýdjetke qatysý» jobasy boıynsha aýdandarda jańa qoǵamdyq keńistikter qurýǵa bolady - Saǵyntaev
Aýdan ákimi ótken jyldyń áleýmettik-ekonomıkalyq damý qarqynyn baıandaı kelip, eń aldymen turǵyndardy tolǵandyratyn ınfraqurylymdyq máselelerdi sheshý týraly aıtty.
Taýgúl-3 yqshamaýdanynda ınjenerlik jelilerdi damytý maqsatynda 22 km sý qubyry jáne 22,7 km káriz júıesi tartyldy.
Aýdandy jaryqtandyrý úshin Baıan aýyl, Altyn besik yqshamaýdandarynda, Altynsarın, Abaı dańǵyldarynyń, Ótegen batyr, Seıitjanov kósheleriniń boıyna, №8 yqshamaýdanǵa uzyndyǵy 15 shaqyrym bolatyn 469 jaryq kózi ornatyldy. 1137 jaryq núktesi qoıylatyn Dostyq yqshamaýdanynda jaryqtandyrý qurylysy aıaqtalyp keledi.
Aýdanda barlyǵy 966 aýla bar. 4 jyldyń ishinde 336 aýla (38%) jóndeldi, onyń ishinde 96 aýla ótken jyly jańardy. 150 aýlany jóndeý boıynsha JSQ ázirlendi.
Áýezov aýdanynyń yqshamaýdandary «bir yqshamaýdan – bir mektep – bir bala baqsha – jaıaý júrginshi aımaǵy» qaǵıdaty boıynsha jobalanǵan. Qazirgi kezde yqshamaýdandar ishindegi jaıaý júrginshi aımaqtary qaraýsyz qalǵan, sondyqtan №8 yqsham aýdandaǵydaı №10 yqshamaýdanda abattandyrý jumystary júrgiziletin bolady.
Aýdan turǵyndarynyń skverler men parkterdiń jetispeıtini týraly ótinishterin eskergen ákim bul máseleni «Bıýdjetke qatysý» jobasy arqyly sheshýge bolatynyn aıtty.
«Áýezov aýdanynyń turǵyndary osy joba boıynsha bólingen 500 mln teńgeniń jartysynan azyna ǵana iske asatyn ıdeıalardy usyndy. Ózderińizdiń tilekterińizdi eskere otyryp, qoǵamdyq keńistikti abattandyrý jáne jasyldandyrý jónindegi sheshimderdi júzege asyrýǵa, bos ýaqytty densaýlyqqa paıdaly ótkizýge bolatyn edi», — dedi qala ákimi Baqytjan Saǵyntaev.
Aıtar bolsaq, byltyr aýdanda Altyn besik yqshamaýdanynda, Raıymbek, Saın, Abaı dańǵyldarynyń, Altynsarın, Shalıapın, Tóle bı, Momyshuly, ıAsaýı kósheleriniń boıyna 4 myńnan astam ártúrli aǵash otyrǵyzyldy.
