Bıýdjetke eń kóp kiris ákeletin 5 salyq túri belgili boldy

Jyl basynan beri memlekettik bıýdjetke 12 trln teńgeden astam salyq jınaldy. Muny QazAqparat tilshisiniń saýalyna jaýap bergen Memlekettik kirister komıteti Taldaý, statıstıka jáne táýekelderdi basqarý departamentiniń dırektory Muratbek Mýsın aıtty.

«Jyl basynan beri bizdiń memlekettik bıýdjetke salyqtyq naqty túsimder 12 trln 112 mlrd teńgeni qurady. Onyń ishinde respýblıkalyq bıýdjetke – 8 trln 100 mlrd, al jergilikti bıýdjetterge 4 trln 011 mlrd teńge boldy. Endi eń iri salyq túrlerine toqtalsaq, olar: korporatıvtik tabys salyǵy, qosymsha qun salyǵy (ımport jáne ishki taýarlarǵa), kedendik baj salyǵy, aktsız, jer qoınaýyn paıdalanǵany úshin alynatyn tólemder», - dep QazAqparat tilshisiniń saýalyna jaýap qatty Muratbek Mýsın.

Qosa ketsek, 2025 jyldan bastap banktiń operatsııalardan tapqan paıdasyna salyq salynady.