Bıýdjetke donor bolyp otyrǵan óńirlerden alatyn transfertter kólemi azaıady

ASTANA. KAZINFORM — Senatta bıýdjetti óńirler men ortalyq memlekettik organdar arasyndaǵy bıýdjet qatynastaryn reformalaý máselesine arnalǵan dóńgelek ústel ótip jatyr.

Talqylaýda Ulttyq ekonomıka mınıstriniń birinshi orynbasary Azamat Ámrın donor óńirlerdiń máselesine toqtaldy. 

— Transfertterdi josparlaý óńirlik standarttar júıesiniń kórsetkishterine baǵdarlanatyn bolady. Bul jergilikti jobalardyń qymbattaǵan bóligin qarjylandyrý, donor óńirlerden alatyn transfertterdi azaıtý sııaqty máselelerdi sheshedi, — dedi ol.

Onyń sózinshe, budan bylaı óńir ákimderiniń ortalyqqa qol jaıyp qarajat suraýy azaıady.

— Keıbir óńir ózinde ınfraqurylym mardymsyz bolǵanyna qaramastan donor bolyp otyrǵany týraly syn aıtylǵan bolatyn. Mundaı óńirlerge aımaqtyq standarttar júıesiniń naqty mánin eskere otyryp, qosymsha koeffıtsıent qoldanylady. Osy tásil arqyly 2026 jyldan bastap nysanaly damý transfertteri óńirlerge ulttyq aýqymdaǵy jobalardy qarjylandyrý úshin ǵana bólinedi, — dedi Azamat Ámrın.

Eske salsaq, 15 naýryzda Memleket basshysy jańa Bıýdjet kodeksine qol qoıǵan edi.