Bıýdjetke aýyrtpalyq túsiredi: Bishkek tsırki janýarlardy satýǵa májbúr

ASTANA. KAZINFORM — Qyrǵyzstan astanasyndaǵy Izıbaev atyndaǵy memlekettik tsırk birneshe janýardy satylymǵa shyǵaryp jatyr, dep jazady Kabar.

Satylyp jatqan janýarlar qatarynda eki túıe, eki ıak, eshki, eno jáne tórt mysyq bar. Barlyǵy 410 000 somdyq qunǵa baǵalanǵan.

• Túıeler (5 jáne 4 jasta) — árqaısysy 90 myń somnan

• Jaqtar (ıak) (4 jastaǵy, árqaısysy) — 35 myń somnan

• Eshki — 8 jasta, 20 myń som

• Qumyrsqa jegish (dıkobraz) — 9 jasta, 50 myń som

• Enot — 5 jasta, 50 myń som

• Mysyqtar (4 jastaǵy, árqaısysy) — 10 myń somnan.

Barlyq janýarlardyń jalpy quny 410 myń somǵa baǵalanǵan.

Tsırk dırektory Svetlana Ashırova satylymnyń sebebin naqtylap ótti. Ol tsırk janýarlardy ashyq aýktsıonǵa shyǵaryp jatqanyn, bul protsess «Erkın-Too» platformasy arqyly jarııalanyp, tolyq ashyq túrde uıymdastyrylatynyn aıtty. Onyń sózinshe, barlyq janýarlar qazir tsırkte saqtaýly, eshbiri bazarǵa shyǵarylmaǵan.

Ashırova atap ótkendeı, bul janýarlar qazirgi basshylyq kelgenge deıin satyp alynǵan jáne buryn olardy kútip-ustaýǵa kóńil bólinbegen. Biraq qazir barlyq janýar bir jerge jınaqtalyp, tirkeýden ótip, chıptelip, jaqsy kútim men tamaqpen qamtamasyz etilgen.

— Olardy satýdyń basty sebebi — bıýdjetke ekonomıkalyq paıda ákelmeıdi jáne tsırk bıýdjetine tym aýyrtpalyq túsiredi. Kúndelikti azyq-túlikpen qamtamasyz etý bıýdjetke shyǵyn keltirýde, — dedi Ashırova.

Buǵan deıin Qyrǵyzstannyń memlekettik qaryzy JІÓ-ge shaqqanda 36,9%-ǵa deıin tómendegenin jazǵan edik.