Bıýdjetke 350 mln teńge zalal keltirgen kúdikti Qyrǵyzstannan ekstradıtsııalandy
ASTANA. KAZINFORM – QR Bas prokýratýrasy ekonomıkalyq qyzmet salasynda aýyr qylmys jasaǵany úshin Qazaqstan azamatyn Qyrǵyz Respýblıkasynan ekstradıtsııalady.
Tergeý málimetine sáıkes, 2023 jyly kúdikti múliktik paıda tabý maqsatynda naqty jumystardy oryndamaı, jalǵan shot-faktýralar jazyp berý shemasyn uıymdastyrǵan.
Zańsyz áreketter saldarynan memlekettik bıýdjetke 350 mln teńgege jýyq salyq tólemeý túrinde zalal keltirilgen.
- Qylmys jasaǵannan keıin kúdikti jasyrynǵan, osyǵan baılanysty oǵan halyqaralyq izdeý jarııalanǵan.
2025 jyldyń naýryz aıynda ol Bishkek qalasynda ustalyp, Qazaqstan Bas prokýratýrasynyń suraýy negizinde elge ekstradıtsııalandy.
Qazirgi ýaqytta kúdikti tergeý ızolıatoryna qamaldy, - delingen aqparatta.
Atalǵan qylmys úshin múlkin tárkileı otyryp, 7 jylǵa deıingi merzimge bas bostandyǵynan aıyrý jazasy qarastyrylǵan.
Aıta keteıik, Chernogorııadan alaıaqtyq jasady degen kúdikpen túrik azamaty ekstradıtsııalandy.