Bıýdjetke 300 mln teńge shyǵyn keltirgen JShS basshysy ustaldy

ASTANA. QazAqpart - Qarjylyq monıtorıng agenttigi iri kólemde alaıaqtyq jasady degen kúdikpen «As-Aı» JShS basshysy Asqar Asaıuly Omardy ustady, dep habarlaıdy QazAqparat.

Osylaısha, A.Omar «Jolaýshylar tasymaly» AQ-dan keltirilgen zalaldy óndirip alý kezinde jetkizý kólemi týraly jalǵan málimetterdi jáne aýdıtorlardyń jalǵan qorytyndylaryn paıdalandy.

Kvazımemlekettik kompanııanyń zańsyz áreketteriniń nátıjesinde 300 mln teńgeden astam somaǵa zalal keltirildi.

Urlanǵan qarajatqa Omar A. Astanada quny 125 mln teńge qymbat páter men Range Rover avtokóligin 60 mln teńgege satyp aldy.

Sonymen qatar Omar A. qarajatty kóleńkeli aınalymǵa shyǵarý úshin nomınaldy zańdy tulǵalardan 1,3 mlrd teńgege jalǵan shot-faktýralardy paıdalandy.

Osyǵan baılanysty 285,6 mln teńgege salyq tóleýden jaltarý faktisi boıynsha qylmystyq is tergelýde.

Tergeý jalǵasýda, QR QPK 201-babyna sáıkes ózge aqparat jarııa etýge jatpaıdy.