Bıýdjeti 19 mln dollar bolǵan Qytaıdyń ataqty telehıkaıasyn «Qazaqstannan» kórýge bolady (FOTO)
ASTANA. QazAqparat - Jańa telemaýsymda Qytaı tarıhyndaǵy tanymal telenovellalardyń biri «Qyzyl saraıdaǵy tús» atty hıkaıasy qazaqstandyq ekrannan kórseteletin bolady, dep habarlady «Qazaqstan» RTRK baspasóz qyzmetinen.
«Qazaqstan» telearnasy óte kúrdeli, ári ádemi jáne sazdy tilde, ejelgi qytaı - mandarın dıalektisinde túsirilgen 50 serııalyq telehıkaıanyń kúrdeli sınhrondyq dýblıajyn iske asyrdy. Hıkaıa 2010 jyly Azııada telehıkaıalardyń kórsetilimi boıynsha úzdik atandy. Hıkaıanyń bıýdjeti 19 mln. $.», delingen habarlamada. Hıkaıada 40-qa jýyq bas keıipker jáne 500-ge jýyq qosymsha keıipker bar. Dál osy hıkaıada Qytaı halqynyń áıgili shaı ishý salty kórsetiledi. Serıal 18 ǵasyrda jazylǵan shyǵarma jelisimen túsirilgen. Ádemi dekoratsııalar, qymbat jáne ásem kıim úlgileri, sol kezdegi qalpyna keltirilgen turmystyq jaǵdaı Tsın dınastııasynyń dáýirine boılaı enýge múmkindik beredi. Telehıkaıany 3 tamyzdan bastap, saǵat 19.35-te dúısenbi-juma kúnderi aralyǵynda «Qazaqstan» telearnasynan kórýge bolady.
