Bıýdjet tapshylyǵy tómendep keledi - Baqyt Sultanov
«Aǵymdaǵy jyldyń segiz aıyndaǵy elimizdiń bıýdjeti kólemi rekordty jáne baǵyty boıynsha daǵdarysqa qarsy bolyp tabylady. Memlekettik qarjy turaqty, kirister turǵysynda alǵa jyljý bar, al tapshylyq tómendep keledi. Bıýdjettik quraldar ekonomıkany ártaraptandyrý men jumyspen qamtýdyń qosa alǵanda birneshe mindetterdi sheshýge baǵdarlandy»,-dedi mınıstr.
Osy rette B. Sultanov «Nurly jol» baǵdarlamasy arqyly daǵdarysqa qarsy sharalardy qoldaý, jergilikti bıýdjetterge beriletin transfertter arqyly óńirlerdi damytýǵa járdem kórsetý jalǵasqanyn atap ótti.
«Barlyq áleýmettik mindettemeler oryndaldy. Jyl basynan beri bıýdjettik uıym qyzmetkerleriniń jalaqylary jáne stýdentterdiń shákirtaqylary Sizdiń tapsyrmańyz boıynsha kóterildi. Zeınetaqylar men basqa da áleýmettik tólemderde ındeksatsııalaý saqtalyp otyr»,-dedi ol.