Bıýdjet tapshylyǵyn qaıtarylǵan aktıvter esebinen jabýǵa ne kedergi – mınıstr jaýaby

Ulttyq ekonomıka mınıstri Álibek Qýantyrov Senattaǵy Úkimet saǵatynan keıin BAQ ókilderine bergen suhbatynda Ulttyq qor esebinen jabylatyn bıýdjet tapshylyǵyn qaıtarylǵan aktıvter esebinen jabý nege múmkin emes ekenin aıtty, dep habarlaıdy Kazinform.

Qosymsha qun salyǵyn arttyrý arqyly Ulttyq qor esebinen jaýyp júrgen bıýdjet tapshylyǵyn óteý kózdelip otyrǵanyn aıtyp júrsizder. Osy 2,4 trln teńgeni qaıtarylǵan aktıvter esebinen nege jappasqa? Álde jyl saıyn ondaı mólsherde aktıv qaıtarý múmkin emes pe?», - dep surady BAQ ókili.

Mınıstrdiń sózinshe, qaıtarylǵan aktıvti aqshaǵa aınaldyrý belgili bir ýaqytty alady. Sondyqtan bıýdjettiń kirisin ol kózge baılap esepteýge bolmaıdy.

«Qosymsha qun salyǵy bireýdiń qaltasyna barmaıdy. Aldymen respýblıkalyq bıýdjetke baryp, odan keıin tıisti áleýmetik shyǵyndarǵa jumsalady. Qaıtarylatyn aktıvterdi alsaq, ol jyl saıyn, júıeli túrde túsetin qarajat emes qoı. Keıbir nysandardy qaıtarady, ıá, odan salyq túsedi. Al qaıtarylǵan nysandy satsa, qosymsha qarajat túsedi. Biraq biz qosymsha qun salyǵy týraly aıtyp otyrmyz ǵoı. Ol jyl saıyn túsip turý kerek. ıAǵnı, respýblıkalyq bıýdjetke kepildi túrde túsip turý qajet. Al qaıtarylǵan aktıvterdiń satylýy da múmkin, satylmaýy da múmkin. Olardyń quny qandaı bolatyny da belgisiz. Sebebi aktıvterdi qaıtarý degen qolmen isteletin jumys», - dedi Álibek Qýantyrov.

Memlekettik kirister organdary bankterdiń tabysy 2018 jyldan beri shynymen de 2 ese artqanyn málim etti. Biraq bul jerde bankterdiń korporatıvtik tabys salyǵy da 2 ese óskenin aıtý mańyzdy. 2018 jyly 128 mlrd teńge bolsa, 2022 jyly 260 mlrd teńge boldy.

Keıingi 5 jylda bankterdiń jalpy korporatıvtik tabys salyǵy 1,2 trln teńge, ózge salyqtary 294 mlrd teńge boldy.