Bıýdjet shyǵystarynyń 9 paıyzy ońtaılandyrylady - Qarjy mınıstri

ASTANA. QazAqparat - Respýblıkalyq bıýdjet shyǵystarynyń shamamen ortasha alǵanda 9 paıyzy ońtaılandyrylady. Búgin Parlament Májilisinde «2015-2017 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýlar engizý týraly» zań jobasynyń tanystyrylymy barysynda Qarjy mınıstri Baqyt Sultanov osylaı málim etti.

Bas qarjygerdiń aıtýynsha, aǵymdaǵy shyǵystar 391,2 mlrd teńgege qysqartylyp, damý bıýdjeti 295,5 mlrd teńgege azaıady. «Ońtaılandyrýdyń jalpy aýqymyndaǵy nysanaly transfertter 374,4 mlrd teńgege tómendeıdi, sonyń ishinde aǵymdaǵy transfertter 186 mlrd teńgege azaıtylady. Al 139 mlrd teńgeniń shyǵystary jańa jobalardy júzege asyrý merzimi 2016 jylǵa shegerilýine baılanysty qysqartylady», - dedi B. Sultanov.

Onyń sózine qaraǵanda, «Samuryq-Qazyna» qory arqyly júzege asyrylatyn sharalarǵa qaralǵan shyǵystar da 22,3 mlrd teńgege ońtaılandyrylady. Atap aıtqanda, «Jezqazǵan-Beıneý» temirjol jelisiniń qurylysy 18,3 mlrd teńgege, jolaýshylar vagonyn satyp alý shyǵystary 4 mlrd teńgege ońtaılandyrylmaq.