Bıýdjet kodeksi men Ulttyq qor qarajatyn paıdalaný tujyrymdamasynyń jańa redaktsııasy ázirlenetin bolady - UEM
Búgin Parlament Májilisindegi Daǵdarysqa qarsy sharalarǵa arnalǵan Úkimet saǵatynda QR Ulttyq ekonomıka mınıstri Erbolat Dosaev osylaı málimdedi.
Mınıstrdiń sózine qaraǵanda, bıýdjet saıasatyn ońtaılandyrý maqsatynda memlekettik shyǵystardy qatań únemdeý, olardyń tıimdiligin arttyrý jáne Ulttyq qor qarajatyn utymdy paıdalaný máselelerine basa nazar aýdarylady. «Osyǵan baılanysty 2016 jyldyń sáýirine deıin Bıýdjet kodeksi men Ulttyq qor qarajatyn qalyptastyrý men paıdalaný tujyrymdamasynyń jańa redaktsııasy ázirlenetin bolady. Al kelesi jyldyń naýryz aıyna deıin Bıýdjet kodeksine qolma qol aqsha tapshylyǵyn jabý úshin jergilikti atqarýshy organdardyń úsh jylǵa deıingi merzimge Úkimetten qaryz alýyn kózdeıtin tolyqtyrýlar engiziledi. 2017-2019 jyldarǵa arnalǵan respýblıkalyq bıýdjetti qalyptastyrý barysynda 2016 jyldyń sáýir-tamyzynda tıimsiz shyǵystardy jáne jeke sektor qarjylandyrýy múmkin shyǵystardy alyp tastaý arqyly bıýdjet shyǵystaryn ońtaılandyrý qarastyrylady. Jalpy sıpattaǵy transfertter týraly zań jobasyn ázirleý kezinde respýblıkalyq bıýdjetten bólinetin nysanaly trasfertter esebinen barlyq jergilikti ınvestıtsııalyq jobalardy qarjylandyrý 2017 jyldan bastap tolyqtaı jergilikti deńgeıge beriletin bolady», deıdi E. Dosaev.
Mınıstrdiń aıtýynsha, salyq salasynyń ashyqtyǵy men salyqtyq ákimshilendirýdi tıimdi ete túsý maqsatynda Salyq jáne Keden kodeksteriniń jobasy 2016 jyldyń 1 qyrkúıegine deıin Parlamentke engiziledi.