Bıýdjet kodeksi: Astana ákimdigine irgesindegi Qosshyǵa mektep salýǵa ruqsat beriledi

ASTANA. KAZINFORM — Ulttyq ekonomıka mınıstriniń birinshi orynbasary Azamat Ámrın Senatta ótip jatqan dóńgelek ústelde jańa Bıýdjet kodeksi iri qalalardyń aınalysyndaǵy aglomeratsııalardy damytýǵa qalaı serpin beretinin túsindirdi.

— Bıýdjettik kodekste arnaıy norma bar. Qazirgi zańnama boıynsha Astana qalasy Qosshydaǵy qandaı da bir jobany qarjylandyrýǵa aqsha jumsaı almaıdy. Óıtkeni ol bóten oblys, bóten aýdan. Endi Bıýdjettik kodeks eger joba qala aglomeratsııasynda iske asatyn bolsa, ondaı quqyq berip otyr. Óıtkeni aglomeratsııa uǵymy zańǵa engizilgen. Onyń ústine Astana qalasy Qosshyda mektep nemese aýrýhana salýǵa múddeli. Óıtkeni ol jaqta áleýmettik nysan tapshy bolsa, halyq bári bir Astanaǵa aǵylady, — dedi ol.

Azamat Ámrın bul elordadaǵy kólik tyǵynyn ýshyqtyrmaý úshin de qajet norma ekenin eske saldy.

— Sondyqtan Astanaǵa Qosshynyń ózinde mektep nemese aýrýhana salý tıimdi bolady. Bıýdjet kodeksinde osyndaı qural bar. Aglomeratsııa uǵymynyń aıasynda bir bıýdjetten ekinshi bıýdjetke aqsha aýdara alamyz, — dedi vıtse-mınıstr.

Eske salsaq, 15 naýryzda Memleket basshysy jańa Bıýdjet kodeksine qol qoıǵan edi.