Bıýdjet kirisin arttyrýda «halyqtyq baqylaý» jumys isteýde

ASTANA. QazAqparat - Qarjy mınıstrligi bıýdjet kiristerin arttyrý úshin «halyqtyq  baqylaýdy» qoldanýda. Bul týraly Senatta «Teńdestirilgen jáne ashyq bıýdjet - eldiń tabysty jáne ornyqty áleýmettik-ekonomıkalyq damýynyń kepili» atty parlamenttik tyńdaýda QR Qarjy mınıstri Baqyt Sultanov málim etti, dep habarlaıdy QazAqparat.

Onyń sózine qaraǵanda, mınıstrlik respýblıkalyq bıýdjettiń kiris bóligin arttyrý boıynsha sharalar josparyn ázirledi. «Ekinshi jaǵynan memlekettik ákimshilik baqylaýdy tómendetý maqsatynda Qarjy mınıstrligi «halyqtyq baqylaýdy» belsendi qoldanýda. Baqylaýdyń osy túriniń tetikteri «reıdtik» tekseristerdi tutynýshylardyń ózine berýge jol ashady. Endi ónimdi satyp alýshy satarmandardyń arasynda oryndy irikteýdi ózderi júrgizedi»,-dedi Sultanov.

Onyń aıtýynsha baqylaý sharalaryn reformalaýdyń jalǵasy retinde e-aýdıt bolmaq. Ekonomıkalyq yntymaqtastyq jáne damý uıymy elderi negizinde Qarjy mınıstrligi mamandandyrylǵan baǵdarlamalyq jasaqtamany paıdalanýdy josparlap otyr. Onyń kómegimen tekserýshi men salyq tóleýshi arasyndaǵy tikeleı baılanys tómendetilip, tekserister merzimi qysqarady. Osy oraıda iri salyq tóleýshiler úshin bul júıeni 2019 jyldyń 1 qańtarynda engizý qarastyrylýda.