Bıýdjet: keler jyly densaýlyq saqtaý salasyna qarajat kóbirek bólinedi

ASTANA. KAZINFORM – 2025 jyly tegin medıtsınalyq kómektiń kepildik berilgen kólemine 1,6 trln teńge somasynda shyǵystar josparlanǵan. Bul týraly Májiliste «2025-2027 jyldarǵa arnalǵan respýblıkalyq bıýdjet týraly» zań jobasynyń tanystyrylymynda QR Qarjy vıtse-mınıstri Abzal Beısenbekuly málim etti. 

«Densaýlyq saqtaý júıesine 2025-2027 jyldarǵa arnalǵan shyǵystar 7,6 trln teńgeni quraıdy, onyń ishinde 2025 jylǵa 2,4 trln teńge qarastyrylǵan. Osy jylmen salystyrǵanda 133 mlrd teńgege artyq», - dedi A. Beısenbekuly. 

Shyǵystardyń ósýiniń negizgi faktorlary retinde kelesilerdi atap ótýge bolady:

1. Memlekettik jarnalar mólsherlemesiniń 1,9%-dan 2%-ǵa deıin artýy men halyq sanynyń ósýi. 

2. Professorlyq-oqytýshylyq quramnyń jalaqysyn ulǵaıtý. 

Jalpy, 2025 jyly tegin medıtsınalyq kómektiń kepildik berilgen kólemine 1,6 trln teńge somasynda shyǵystar josparlanǵan. Áleýmettik medıtsınalyq saqtandyrý qoryna 675 mlrd teńge, onyń ishinde memlekettik jarnalarǵa 668 mlrd teńge kózdelgen. 

Budan buryn habarlanǵandaı, 2025 jyly áleýmettik salanyń shyǵystary artady.