Bıýdjet qarajatyn urlaǵan mektep býhgalteri 3 jylǵa sottaldy

NUR-SULTAN. QazAqparat - Semeıdegi №27 mekteptiń býhgalteri bıýdjet qarajatyn urlaǵany úshin 3 jylǵa sottaldy. Bul týraly QR Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty, dep habarlaıdy QazAqparat tilshisi.

«Shyǵys Qazaqstan oblystyq sybaılas jemqorlyqqa qarsy qyzmeti Semeı qalasynyń №27 jalpy orta mektebiniń bas býhgalteri Ábdýálıevaǵa qatysty qylmystyq isti aıaqtady», - dedi ol.

Agenttik tergeýshisiniń dereginshe, ol 3,2 mln teńge somasyndaǵy bıýdjet qarajatyn zańsyz óziniń kartochka shotyna aýdarý arqyly urlaǵan.

«2020 jylǵy 20 aqpanda Semeı qalalyq №2 sotynyń úkimimen Ábdýálıeva sottalyp, oǵan 3 jyl bas bostandyǵynan aıyrý túrinde jaza taǵaıyndaldy»,- dedi Qaısar Barjaqsynov.