Bıýdjet qarajatyn talan-tarajǵa saldy degen kúdikpen SІM qyzmetkeri ustaldy

ASTANA. QazAqparat - QR Syrtqy ister mınıstrliginiń «Sharýashylyq basqarmasy» RMK dırektorynyń mindetin ýaqytsha atqarýshy bıýdjet qarajatyn talan-tarajǵa saldy degen kúdikke ilindi, dep habarlaıdy QazAqparat tilshisi.

«Sybaılas jemqorlyqqa qarsy is-qımyl ulttyq bıýrosynyń elordalyq departamenti «QR Syrtqy ister mınıstrliginiń Sharýashylyq basqarmasy» respýblıkalyq memlekettik kásiporny dırektorynyń mindetin ýaqytsha atqarýshyǵa qatysty sotqa deıingi tergeý júrgizýde. Laýazymdy tulǵa konsýltatsııalyq qyzmetti kórsetý boıynsha naqty atqarylmaǵan jumystarǵa azamattyq (nekedegi) joldasynyń shotyna zańsyz aýdarý arqyly 783 myń teńge somasyndaǵy bıýdjet qarajatyn talan-tarajǵa salýda kúdikti dep tanylýda», - deıdi Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Agenttikte ótken baspasóz máslıhatynda.

Agenttiktiń resmı ókili atalmysh is boıynsha tergeý júrgizilip jatqanyn habarlady.