Bıýdjet qarajatyn ońdy-soldy shashýdy doǵarý kerek - Joldaý
ASTANA. KAZINFORM — Úkimet bıýdjet tapshylyǵynyń ornyn toltyratyn qarjy kózin tabý úshin tıimdi kompensatsııalyq tásilder oılastyrýy qajet. Bul týraly Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty.
«Memleket qarjysynyń turaqtylyǵyn qamtamasyz etýdiń birden bir joly – kórpege qaraı kósilý. Sondyqtan bıýdjet qarajatyn strategııalyq mańyzy joq, asa shuǵyl emes sharýalarǵa ońdy-soldy shashýdy doǵarý kerek», - dedi Qasym-Jomart Toqaev.
Prezıdenttiń aıtýynsha, bıýdjetaralyq qarym-qatynasty da retke keltirý qajet.
«Shaǵyn jáne orta bıznesten túsetin salyqty aımaqtardyń ózinde qaldyrý durys ári ýaqtyly qabyldanǵan sheshim boldy. Bul qadam kásipkerliktiń damýyna edáýir serpin berdi. Sonymen qatar ákimderdiń derbestigin arttyrdy. Alaıda keıbir ákimder qosymsha kiris kózine ıe bolǵan soń, ony elge paıdasyz iske shashyp, tıimsiz jumsaıtyn boldy. Asa mańyzdy emes mindetter men jobalarǵa qarjy bóle bastady. Úkimet bıýdjet tapshylyǵynyń ornyn toltyratyn qarjy kózin tabý úshin tıimdi kompensatsııalyq tásilder oılastyrýy qajet», - dedi Prezıdent.
