Bıýdjet qarjysyna qymbat kólik pen jıhaz alynbaıdy – Memleket basshysy
«Daǵdarys jaǵdaıynda, kóbine, bıýdjettiń kirisi men shyǵysyn retteý qajettiligi týyndaıdy. Úkimet daǵdarys kezeńinde bıýdjetti naqtylaýdyń erekshe tártibin bekitti. Koronavırýspen kúresý úshin qomaqty qarjy bólingenin bilesizder. El azamattaryna qoldaý kórsetý, ekonomıkalyq belsendilikti arttyrý sharalary qosymsha qarjyny talap etedi.
Eskerte ketetin bir jaıt, bıýdjet qarjysyna qymbat kólik pen jıhaz alynbaıdy. Aýqymdy jıyndar ótkizýge arnalǵan qarajat qysqartyldy. Keıbir ınvestıtsııalyq jobalar keıinge qaldyryldy. Únemdelgen qarajat ekonomıkanyń turaqty damýyn jáne tótenshe jaǵdaı rejimin qamtamasyz etýge jumsalýda. Sondaı-aq halyqtyń turmys sapasyn jaqsartýǵa baǵyttalǵan birqatar jobalar iske asyrylyp jatyr», - dedi Memleket basshysy.
