Bıýdjet qaǵıdalary Ulttyq qordyń qarajatyn jınaqtaýǵa baǵyttalatyn bolady
"Sizderdiń qaraýyńyzǵa Úkimet pen Ulttyq bank arasyndaǵy 2019 jylǵa arnalǵan makroekonomıkalyq saıasat sharalaryn úılestirý týraly kelisim jobasy engizilip otyr. Kelisimde 10 baǵyt kózdelgen. Teńgerimdi fıskaldyq saıasat sheńberinde jumys kiristerdiń ósýin yntalandyrýǵa jáne salyq salý bazasyn keńeıtýdi yntalandyrýǵa baǵyttalady. Bıýdjet qaǵıdalary Ulttyq qordyń qarajatyn jınaqtaýǵa baǵyttalatyn bolady", - dedi ol.
Mınıstrdiń aıtýynsha, Úkimet pen Ulttyq banktiń tıimdi aqsha-kredıt saıasaty jáne ınflıatsııa deńgeıin baqylaý boıynsha birlesken sharalary ekonomıkalyq ósýdi qamtamasyz etýge baǵyttalǵan. Osy baǵyt sheńberinde tarıftik saıasatty jetildirý jáne tutyný taýarlaryn óndirýge baǵyttalǵan sharalardy ázirleý josparlanýda.
"Valıýta naryǵynyń teńgerimdiligi boıynsha Ulttyq banktiń sharalaryna qosymsha iri kvazımemlekettik sektor sýbektileriniń, Qarjy mınıstrliginiń jáne Ulttyq qordan kepildendirilgen transfertti aıyrbastaý jónindegi bıýdjettik operatsııalardyń is-qımyldaryn úılestirý qamtamasyz etiledi. Bul rette Ulttyq bank ınterventsııa júrgizý quqyǵymen erkin qubylmaly aıyrbas baǵamy saıasatyn jalǵastyrady",- dedi R.Dálenov.
Munan bólek, ınvestıtsııalar tartý jáne ekonomıkany qorlandyrý qoljetimdiligi, sondaı-aq memlekettik baǵaly qaǵazdar naryǵyn damytý boıynsha ınvestıtsııalyq ahýaldyń tartymdylyǵy jáne qarjylandyrýdyń qoljetimdiligi boıynsha jumys jalǵasatyn bolady. Sondaı-aq, boryshtyq kapıtal qunynyń ındıkatorlaryn qalyptastyrý úshin memlekettik baǵaly qaǵazdar shyǵarylymyn irilendirý kózdeledi.
"Ekonomıkany damytýdy qarjylaı qoldaýdyń memlekettik baǵdarlamalaryn iske asyrý baǵyty sheńberinde memlekettik baǵdarlamalardyń tıimdiligi artatyn bolady. Bul eń tıimdi jobalardy iske asyrýǵa múmkindik beredi. Bankrottyq rásimderin jetildirý jónindegi jumys jalǵasatyn bolady. Bul kredıt berýshilerdiń boryshty retteý jónindegi quqyqtaryn iske asyrýda kedergilerdi joıady",- dedi ol.
Onyń atap ótýinshe, kóleńkeli ekonomıkany tómendetý jáne qolma-qol aqshasyz tólemderdi damytý sheńberinde qolma-qol aqsha aınalymyn qysqartý boıynsha qarjylyq jáne qarjylyq emes yntalandyrý ázirlenedi. Tutynýshylardyń quqyqtaryn qorǵaý jáne qarjylyq saýattylyqty arttyrý maqsatynda kredıt beretin banktik emes uıymdardyń qyzmetin retteý boıynsha sharalar qabyldanatyn bolady.
"Osylaısha, osy Kelisimdi iske asyrý ekonomıkalyq ósýge qol jetkizýge jáne ınflıatsııany ustap turýǵa múmkindik beredi",- dedi R.Dálenov.
Aıta keterligi, Úkimet otyrysynda kelisimdi Mınıstrler kabıneti biraýyzdan qoldady.
