Byltyrǵy jyly týrızm salasynda elimizge kelýshilerge qaraǵanda, syrtqa shyǵýshylar kóp boldy
ASTANA. 6 aqpan. QazAqparat /Qanat Mámetqazyuly/ - 2011 jyldyń 9 aıyndaǵy kórsetkish boıynsha elimizden syrtqa shyǵý týrızmi 24,5 paıyzǵa artty.
Bul týraly Indýstrııa jáne saýda mınıstrliginiń byltyrǵy jyl qorytyndysy boıynsha usynylǵan aqparattyq toptamasynda kórsetilgen.
Mınıstrliktiń málimetterine súıensek, ótken jyldyń 9 aıynda elge kelýshiler týrızmi 14,2 paıyzǵa artyp, 3,8 mln.-nan astam adamdy quraǵan. 2010 jylǵy bul kórsetkish qańtar-qyrkúıek aılarynda 3,3 mln. adamdy quraǵan bolatyn. Sonymen qatar, byltyrǵy jyldyń qańtar-qyrkúıek aılarynda ishki týrızm 12,8 paıyzǵa artyp, 3,8 mln. adamdy qurady. Al esepti kezeńde elden syrtqa shyǵý týrızmi 24,5 paıyzǵa artyp, 5,9 mln. adamdy qurady. 2010 jyldyń atalǵan kezeńinde bul kórsetkish 4,7 mln. adam deńgeıinde bolatyn.
