Byltyrǵy jyly 270 mlrd. teńge bıýdjet qarajatynyń depozıtterde jatqany anyqtaldy - Esep komıteti
ASTANA. Maýsymnyń 3-i. QazAqparat /Qanat Mámetqazyuly/ -Byltyrǵy jyly 270 mlrd. teńge bıýdjet qarajatynyń depozıtterde jatqany anyqtaldy. Búgin QR Parlamenti Májilisinde 2009 jylǵa respýblıkalyq bıýdjettiń atqarylýyn talqylaý barysynda Esep komıtetiniń tóraǵasy Omarhan Óksikbaev osylaı málim etti,
dep habarlaıdy QazAqparat.
«Kvazımemlekettik sektor sýbektileri bos qaldyqtardy bıznesti odan ári damytý úshin paıdalanbaı, depozıtterge ornalastyrý arqyly jeńil jolmen paıda tabý tásilderin izdestirýde. Bul oraıda biz esepti kezeńde (2009 jyly) depozıtte 270 mlrd. teńgeniń jatqanyn atap ótpekpiz. Osylaısha depozıtke bıýdjet qarajatyn salý - salalardyń odan ári damýyna, jańa jumys oryndarynyń qurylýyna, qosymsha quny bar ónimderdi óndirýge esh múmkindik bermeıdi. Budan bólek, «QazAgro» holdıngi óziniń eki enshiles uıymynan agroónerkásiptik keshenniń 13 sýbektisine bir mezgilde 4,3 mlrd.teńgege kredıtter bergen. Bul nesıeniń barlyǵy aýylsharýashylyq daqyldaryn ósiretin bir ǵana alańda kóktemgi egis jáne astyq jınaý jumystaryn júrgizý úshin berilipti. Buny utymsyzdyq kórinisi dep atap ótkimiz keledi», dedi O. Óksikbaev óz baıandamasynda.
Sonymen birge, Komıtet tóraǵasy damý ınstıtýttarynyń ákimshilik shyǵyndardy ulǵaıtý praktıkasynyń jalǵasyp otyrǵanyna da toqtalyp ótti. Onyń sózine qaraǵanda, atalmysh shyǵyndar depozıtten túsken dıvıdentterdiń esebinen jabylyp otyrǵan.
«Qazaqstan Ǵarysh Sapary» ulttyq kompanııasy» aktsıonerlik qoǵamy 2008 jyldyń qorytyndysy boıynsha 143,7 mln. teńge zııan shekkenine qaramastan, buǵan 2009 jyly 43,5 mln. teńge mólsherinde syıaqy tólengen. Bir jaǵynan, damý ınstıtýttarynyń kirisi aınalym qarajatyn tolyqtyrýǵa baǵyttalǵanyna biz qarsy emespiz. Ekinshi jaǵynan, Úkimet kvazımemlekettik sektor sýbektileriniń ıeliginde qalatyn kiristiń mólsherin retteıtin kirister boıynsha normatıvterdi belgilep, kiristiń qalǵan bóligin bıýdjetke qaıtarýǵa múmkindik beretin normatıvtik quqyqtyq bazany qarastyrýy tıis dep esepteımiz», dedi O. Óksikbaev.
