Byltyrǵy jylǵa josparlanǵan bıýdjet kirisi artyǵymen oryndaldy – MKK

NUR-SULTAN. QazAqparat – Qazaqstanda byltyr memlekettik bıýdjet kiristeri boıynsha jospar 102,4%, respýblıkalyq bıýdjet 100,1%, al jergilikti bıýdjet 108% oryndaldy. QR Qarjy mınıstrligi Memlekettik kirister komıtetiniń tóraǵasy Marat Sultanǵazıev Ortalyq kommýnıkatsııalar alańyndaǵy baspasóz máslıhaty barysynda osylaı dedi, dep habarlaıdy QazAqparat tilshisi.

Komıtet basshysynyń aıtýynsha, 2019 jylǵa qaraǵanda vedomstvo quzyretindegi memlekettik bıýdjettiń kiristeri pandemııaǵa qaramastan is júzinde burynǵy deńgeıde qalǵan. Al respýblıkalyq bıýdjet 608 mlrd teńgege tómendese, jergilikti bıýdjet 604 mlrd teńgege ósken.

«Respýblıkalyq deńgeıdegi túsimderdiń tómendeýi ekonomıkadaǵy qalyptasqan jaǵdaıǵa, sondaı-aq pandemııaǵa qatysty shekteýlerge baılanysty bolyp otyr», - dedi Marat Sultanǵazıev.

Komıtet tóraǵasy aldyn ala derekter boıynsha jalpy ishki ónim 2,6%, taýar aınalymy 14% tómendegenin de qosty. Ótkizý boıynsha aınalym 9,7%, onyń ishinde iri kásiporyndar boıynsha 25% azaıǵan.